शिक्षक दिनी दसरा चौक ते जिल्हाधिकारी कार्यालय असा मूक मोर्चा काढून हजारो शिक्षकांनी जुन्या पेन्शनच्या न्याय्य हक्काची मागणी केली.
शिक्षकांच्या जुनी पेन्शन योजनेच्या न्याय्य हक्कासाठी ५ सप्टेंबर रोजी कोल्हापूरच्या भूमीत हजारो शिक्षक बंधू-भगिनी एकजुटीने रस्त्यावर उतरले. दसरा चौक ते जिल्हाधिकारी कार्यालय असा हा मूक मोर्चा होता, पण शिक्षकांचा निर्धार स्पष्ट होता.
विशेषतः १ नोव्हेंबर २००५ पूर्वी नियुक्ती झालेल्या, मात्र २००५ नंतर शाळा १००% अनुदानावर आल्यामुळे पेन्शनच्या प्रश्नाला सामोरे जाणाऱ्या शिक्षक-शिक्षकेतर कर्मचाऱ्यांच्या न्याय्य मागणीसाठी हा लढा आहे. नियुक्ती जुनी, सेवा जुनी, मग पेन्शनही जुनीच हवी!
"आलेल्या सर्व शिक्षकांचे मनस्वी आभार. पण हा लढा इथंच थांबणार नाही... एकच मिशन, जुनी पेन्शन!"